پشکنینی گشتیی ساڵانە یارمەتیدەرێکی باشە بۆ دەستنیشانکردنی نەخۆشییەکان لە قۆناغە سەرەتاییەکاندا، کە ئەمەش چارەسەرکردنیان ئاسانتر دەکات، هەروەها ئەم پشکنینانە دەتوانن فاکتەرە مەترسیدارەکانی نەخۆشییەکانی وەک دڵ، شەکرە و شێرپەنجە دیاریبکەن لە قۆناغە سەرەتاییەکاندا.

پشکنینی گشتیی ساڵانە کە پسپۆڕانی بواری تەندروستی پێشنیاری دەکەن بریتین لە:

پشکنینی خوێن: بۆ دیاریکردنی ئاستی شەکرە، چەوری خوێن، هۆڕمۆنەکان و ڤیتامینەکان.

پشکنینی دڵ: وەک هێڵکاریی دڵ و ئیکۆی دڵ.

پشکنینی شێرپەنجە: وەک مامۆگرافی بۆ ژنان و پشکنینی پڕۆستات بۆ پیاوان.

پشکنینی ددان: بۆ دڵنیابوون لە تەندروستیی ددان و چارەسەری کێشەکانی پوک و دەم.

پشکنینەکانی دیکە: پشکنینی سۆنار، پشکنینی تایبەت بە پێوانەی سییەکان، هتد....

ئامارەکان لە سەرانسەری جیهان سەبارەت بە پشکنینی پێشوەختە نیشانمان دەدەن، کە ئەم پشکنینانە ڕۆڵێکی گرنگیان هەیە لە دەستنیشانکردنی نەخۆشییەکان و کەمکردنەوەی تێچووی چارەسەر و مردنی پێشوەختە بە ڕێژەی %60.