وەزارەتی دارایی ڕایگەیاند، “ئاوات شێخ جەناب بۆ چارەسەرکردنی ئاستەنگەکانی مووچەی مووچەخۆرانی هەرێمی کوردستان بەڕێکەوت بۆ بەغدا”.

ئەمشەو یەکشەممە، 19-1-2025، وەزارەتى دارایى و ئابووری حکومەتی کاربەڕێکەری هەرێمی کوردستان لە ڕاگەیەندراوێکدا ڕایگەیاند: “ئێوارەی ڕۆژی یەک شەممە 19ی کانونی دووەمی 2025، شاندی حکومەتی هەرێمی کوردستان بەسەرۆکایەتی ئاوات شێخ جەناب وەزیری دارایی و ئابوری هەرێمی کوردستان بەرەو شاری بەغداد بەڕێکەوتوون”.

ئاشکراشیکرد: “ئامانج لەسەردانەکە گفتوگۆکردنە لەسەر هەمواری خشتەکانی یاسای بودجەی گشتی عێراق بۆ ساڵی ٢٠٢٥ و چارەسەرکردنی ئاستەنگەکانی بەردەم مووچەی فەرمانبەران و مووچەخۆرانی هەرێمی کوردستان”.

ئەمە لە کاتێکدایە، تاوەکو ئێستا مووچەخۆرانی هەرێمی کوردستان مووچەی مانگی 12ی ساڵی ڕابردوویان وەرنەگرتووە.