سەرۆکی حکومەتی کاربەڕێکەری هەرێم لە کۆبوونەوەی ئەمڕۆی ئەنجومەنی وەزیران و نوێنەرانى کورد لە بەغدا رایگەیاند: "سیاسەتی بەغدا بەرامبەر هەرێم ستەمكارانەیە".

ئەمڕۆ شەممە، بە ئامادەبوونی مەسرور بارزانی، سەرۆکی حکومەتی کاربەڕێکەری هەرێمی کوردستان، لە بەغدا کۆبوونەوەی ئەنجوومەنی وەزیرانی هەرێمی کوردستان لەگەڵ پەرلەمانتار و وەزیرە کوردەکان لە حکومەتی عێراق دەستیپێکرد.

مەسرور بارزانی لە کۆبوونەوەکەدا رایگەیاند: "داوای یەكسانی و مافە دەستوورییەكانی گەلی كورد دەكەین و پێویستە عێراق دەستوور جێبەجێ بكات".

وتیشی: "رەفتاری ئێستای بەغدا بەرامبەر هەرێمی کوردستان ستەمکارانەیە، ئەمەش قبوڵکراو نییە و دەبێت پەیوەندییەكانی نێوان هەرێمی كوردستان و عێراق رێكبخرێنەوە".