فەرماندەی گشتیی سوپای پاسداران ڕایگەیاند، “لەناو وڵاتی خۆمان وەڵامی هەموو هێرشێک دەدەینەوە چونکە وڵاتەکەمان زۆر گەورەیە”.

حوسێن سەلامی، فەرماندەی گشتیی سوپای پاسدارانی ئێران ڕایگەیاند: “وڵاتەکەمان نایەوێت خاکی وڵاتێکی دیکە بکاتە گۆڕەپانی بەرگری لە خۆی، چونکە وڵاتی خۆمان زۆر گەورەیە و دەتوانن هەر لەناو وڵاتی خۆمانەوە وەڵامی هەموو هێرشێک بدەنەوە”.

ئەوەشی خستەڕوو: “لەبەر ئەو هۆیە لە تۆڵەی کوژرانی قاسم سولەیمانی لەناو خاکی ئێرانەوە هێرشمان کردە سەر بنکەکانی ئەمەریکا لە عێراق”.

ئاشکراشیکرد: “هاووڵاتییانمان داوای جێبەجێکردنی ئۆپەراسیۆنی بەڵێنی سادقی دژی ئیسرائیل دەکەن، چونکە پێیان باشە ئێمە بەردەوام لە هەموو گۆڕەپانەکاندا بە بەهێزی کار بکەین”.