سەرۆکی جوڵانەوەی نەوەی نوێ ڕایگەیاند، “هەتا سەری ساڵ چاوڕێی دەکەین دوای ئەوە دەرگای گفتوگۆ بۆ لایەنەکان دادەخەین”.

ئەمڕۆ چوارشەممە 11-12-2024، شاسوار عەبدولواحید، سەرۆکی جوڵانەوەی نەوەی نوێ لە چاوپێکەوتنێکی تەلەڤزیۆنیدا لەبارەی گفتوگۆکردنی لایەنەکان و وەرگرتنی پۆستی سەرۆکایەتی هەرێم ڕایگەیاند: “سەرۆکی هەرێمم بۆ خۆم ناوێت کە بڵێن شاسوار عەبدولواحید سەرۆکی هەرێمە، سەرۆکی هەرێمم بۆ چییە ئەگەر نەتوانم خزمەتی خەڵک بکەم لە پاڵیدا لە حکومەتدا دەسەڵاتمان هەبێت”.

ڕوونیشیکردەوە: “گریمان ئەگەر سەرۆکوەزیرانیش بۆ پارتی بێت، سەرۆکی هەرێمیان دا بە نەوەی نوێ لە حکومەتدا ئێمە شتمان پێدەکرێت بە کارنامە”.

لەبارەی گفتوگۆ و دانیشتنی لایەنەکان لەگەڵ جوڵانەوەی نەوەی نوێ ئاشکراشیکرد: “هەتا سەری ساڵ چاوڕێی دەکەین دوای ئەوە دەرگای گفتوگۆ دادەخەین لەدوای ئەوەوە ئێمە دانانیشین شەش مانگ بۆ حەوت مانگ بێن و بڕۆین ڕاستەوخۆ ڕایی دەگەیەنن کە وەک ئۆپۆزسیۆن دەمینینەوە”.