٢٩ تشرینی دووەمی ٢٠٢٤
ئاژانسی به‌غدا ئه‌لیه‌وم ڕایگەیاند، “بەغدا ڕۆژی یەکشەممە پارەی تەواوەتی مووچەخۆرانی هەرێم بۆ مانگی 10 دەنێرێتە هەرێمی کوردستان”.
ئه‌مڕۆ هه‌ینی 29-11-2024، ئاژانسی به‌غدا ئه‌لیه‌وم له زاری سه‌رچاوه‌یه‌كه‌وه كه به ئاگادار ناوی بردوووه ڕایگەیاند: “ڕۆژی یه‌كشه‌ممه‌ی داهاتوو 1ی كانوونی یه‌كه‌م حكومه‌تی ناوه‌ندی ئه‌و بڕه پاره‌یه‌ی بۆ مووچه‌ی فه‌رمانبه‌رانی هه‌رێمی کوردستانی ته‌رخانكردووه، ده‌ینێرێت”.
ئاشکراشیکرد: "به‌غدا مووچه‌ی یه‌ك مانگ ده‌نێرێت، چاوه‌ڕێی ته‌واوبوونی لیسته‌كانی مووچه‌یه و ده‌بێت حكومه‌تی هه‌رێم داهاتی نانه‌وتی مانگه‌كانی رابردوو ره‌وانه بكات، بۆ ئه‌وه‌ی به‌غدا بتوانێت پاره‌ی مووچه‌ی مانگی 11 دابین بكات".
تاوەکو ئێستا مووچەخۆرانی هه‌رێمی كوردستان مووچه‌ی مانگی 10-یان وه‌رنه‌گرتووه و هاوڵاتیان لە چاوەڕوانی وەرگرتنی مووچەکانیانن.