کارلۆ ئەنچیلۆتی ئیتاڵی و ڕاهێنەری یانەی ڕیال مەدریدی ئیسپانی، ئەو شتەی دۆزیەوە کە بەدوایدا دەگەڕا، دوای درەوشاوەیی برایم دیاز لەگەڵ هەڵبژاردەی مەغریب.

دوێنێ دووشەممە، برایم دیاز هاتریکی تۆمارکرد کاتێل لەگەڵ هەڵبژاردەکەی توانی سێ گۆڵ تۆماربکات بەرامبەر هەڵبژاردەی لیسۆتۆی میوانەکەی کە یارییەکە بە ئەنجامی 7-0 کۆتاییهات لەبەرژەوەندی مەغریب.

تۆڕی "ریلیڤۆ"ی ئیسپانی ڕاپۆرتێکی بڵاوکردووەتەوە و تیایدا ڕایگەیاندووە، دیازی تەمەن 25 ساڵ بەرپرسیار دەبێت لە "گۆڕینی دینامیکی تیپەکە" یانەی ڕیال مەدرید، چونکە یانەکە لەگەڵ دیاز گۆڕانکاری بەسەردا دێت.

هەستێک هەیە کە برایم دیاز دەتوانێت کلیلی گۆڕینی دینامیکی ڕیاڵ مەدرید بێت، چونکە یاریزانێکە هیچ هەلێک لە دەست نادات، چ لە هێرشبردن بێت یان بەرگری.

بەهۆی پێکانەکەی ڕۆدریگۆ، پێشبینی دەکرێت دیاز لە چەند هەفتەی داهاتوودا جێگەی خۆی زیاتر بکاتەوە.

بەپێی شێوازی یاریکردنی دیاز، هێرشبەرە مەغریبییەکە یارمەتی ئەنچیلۆتی دەدات لە قەیرانی یاریکردندا، بەهۆی نەبوونی پەیوەندی نێوان هێڵی بەرگری و هێرشبەر، ئەمەش ئەو خاڵەیە کە دیاز تێیدا سەرکەوتووە.

ئاماژەی بەوەشکردووە، ئەوە تاکە سوود نییە کە ئیبراهیم دیاز پێشکەشی ڕیال مەدرید دەکات بەڵکو ئەو یاریزانە مەغریبییە توانای گۆڵکردنی هەیە لە هەر پێگەیەک، ئەوەش بە ڕوونی لە کاتی یارییەکەی مەغریبدا لە پاڵاوتنەکانی نەتەوەکانی ئەفریقادا دەرکەوت.

جێگای سەرنجە یانەی ڕیال مەدرید پلەی دووەمی ڕیزبەندی خولی ئیسپانیای بەدەست هێناوە و بە 27 خاڵ و 6 خاڵ لەدوای بارسێلۆنای پێشەنگەوەیە.