بەرگری شارستانی هەولێر ڕایگەیاند، ئاگرێک کەوتەوە و بووە هۆی سووتانی ئەمبارێکی بەنزین کە 10 هەزار لیتر بەنزین ئەمبار دەکات.

ئەمڕۆ شەممە 9-11-2024، بەڕێوەبەرايەتی بەرگریی شارستانی پارێزگای هەولێر لە بڵاوکراوەیەکدا ڕایگەیاند، لەسەر ڕێگەی گوێڕ و نێو پاڵاوگەکانی قەڵاتە سۆران(پاڵاوگەی دووبرا)، ئاگرێک کەوتەوە و بووە هۆی سووتانی ئەمبارێکی بەنزین کە 10 هەزار لیتر بەنزین ئەمبار دەکات.

ئاشکراشیکرد، پێنج تیمی ئاگر کوژێنەوە توانیان لەماوەی 20 خولەکدا ئاگرەکە کۆنتڕۆڵ بکەن و پێنج ئەمباری دیکە لە سووتان بپارێزن.

ڕوونیشیکردەوە، هیچ زیانێکی گیانیی لە ڕووداوەکە نەکەوتووەتەوە.