ئیسرائیل بۆ سەرکردە نوێیەکەی حزبوڵڵا؛ ئەم دامەزراندنە کاتییە و ماوەیەکی زۆر ناخایەنێت
٢٩ تشرینی یەكەمی ٢٠٢٤
بڵاویبکەرەوە لە
وەزیری بەرگریی ئیسرائیل ڕایگەیاند، “دانانی سەرۆکێکی نوێی حزبوڵڵای لوبنان دامەزراندنێکی کاتییە و ماوەیەکی زۆر ناخایەنێت”.
یۆواڤ گالانت، وەزیری بەرگریی ئیسرائیل لە تۆڕی کۆمەڵایەتیی ئێکس کاردانەوەی بەرامبەر بە دانانی نەعیم قاسم وەک سەرۆکی نوێی حزبوڵای لوبنان نیشان دا.
ڕاشیگەیاند: "ئەم دامەزراندنە کاتییە و ماوەیەکی زۆر ناخایەنێت".
هەروەها گالانت لە پەیامێکی دیکەدا بە زمانی عیبری جەختی لەوەشکردەوە: "ژماردنەوەی پاشەکشە دەستیپێکردووە".
ئەمە لە کاتێکدایە، گروپی حزبوڵڵای لوبنان لە دوای کوژرانی حەسەن نەسروڵڵا ئەمڕۆ سکرتێرێکی نوێی دەستینیشانکرد بەناوی نەعیم قاسم.