وتەبێژی وەزارەتی خوێندنی باڵا ڕایگەیاند، لەبارەی ڕاگەیاندنی ئەنجامەکانی زانکۆلاینی خوێندکارانی پۆلی 12ی ئامادەیی هێشتا كاتەکەی دیاریکراو نیە.

ئەمڕۆ سێشەممە 29-10-2024، عەباس ئەكرەم، وتەبێژی وەزارەتی خوێندنی باڵای حکومەتی کاربەڕێکەری هەرێمی كوردستان لە لێدوانێکدا ڕایگەیاند، تا ئێستا دیار نییە كەی ئەنجامی زانكۆلاین رادەگەیەندرێت، هەر كاتێك كارەكانی تەواو ببێت، رایدەگەیەنین.

نزیکەی 43 هەزار و 500 دەرچووی پۆلی 12 فۆڕمی زانکۆلاینیان پڕکردووەتەوە بەمەبەستی خوێندن لە زانکۆ و پەیمانگاکادا.

ئەمە لە کاتێکدایە، ڕاگەیاندنی ئەنجامی زانکۆلاین دواکەوتووە و خوێندکارانی دەرچووی پۆلی 12ی ئامادەیی نیگەرانی خۆیان دەربڕیەوە.