میدیاکانی ئێران ئاماژەیان بەوە کردووە، لە چەند رۆژی داهاتوودا ئیسماعیل قائانی فەرماندەی فەیلەقی قودسی سوپای پاسداران دەردەکەوێتەوە، ئەوەش دوای ئەوەی دێت دەنگۆی برینداربوون یان کوژرانی لە لوبنان بڵاوبووەوە.

بە پێی هەواڵی میدیاکانی ئێران، چەند رۆژێکی تر قائانی دەردەکەوێتەوە و لەلایەن عەلی خامنەیی، رێبەری باڵای ئێرانەوە، مەدالیای فەتحی پێدەدرێت.

مەدالیاکە بەبۆنەی مووشەکبارانکردنی ئیسرائیل لەلایەن سوپای پاسدارانەوە دەبێت و پێشتر عەلی خامنەیی، هەمان مەدالیای پێشکەش بە فەرماندەی ئاسمانیی سوپای پاسداران کرد.