یەکێتی: تۆمارە دەنگییەکەی پارتی رەتدەکەینەوە
٨ تشرینی یەكەمی ٢٠٢٤
بڵاویبکەرەوە لە
وتەبێژی یەکێتیی نیشتمانیی کوردستان رایگەیاند، ئەو تۆمارە دەنگییەی لە میدیاکانی پارتییەوە 'بەناوی بافڵ تاڵەبانی و قوباد تاڵەبانییەوە' بڵاوکراوەتەوە، رەتدەکەنەوە.
ئەمڕۆ سێشەممە، لیژنەی باڵای سەرپەرشتیی هەڵبژاردنی پارتی دیموکراتی کوردستان پەیامێکی توندی دژی یەکێتیی نیشتمانیی کوردستان بڵاوکردەوە و هاوکات تۆمارێکی دەنگیشی بڵاوکردەوە، کە وەک خۆیان دەڵێن، دەنگی بافڵ تاڵەبانی و قوباد تاڵەبانییە.
لەم بارەیەوە، سەعدی ئەحمەد پیرە، وتەبێژی یەکێتیی نیشتمانیی کوردستان لەبارەی تۆمارە دەنگییەکە لە لێدوانێکدا رایگەیاند: "نۆ کۆمێنت، ئەو تۆمارە دەنگییە رەتدەکەینەوە".
وتیشی: "لەسەر ئەو تۆمارە دەنگییە قسەی زیاترمان دەبێت".