نەتەنیاهۆ هۆشداری دەداتە ئێرانییەکان؛ ساتی ئازادکردنتان نزیک بووەتەوە
٣٠ ئەیلوولی ٢٠٢٤
بڵاویبکەرەوە لە
سەرۆکوەزیرانی ئیسرائیل ڕایگەیاند، ئێران زۆر زووتر لەوەی خەڵک بیری لێدەکەنەوە ئازاد دەبێت، ئیسرائیل لە تەنیشتان وەستاوە.
بنیامین ناتانیاهۆ سەرۆک وەزیرانی ئیسرائیل لە تۆڕی کۆمەڵایەتیی ئێکس لە پەیامێکی ڤیدیۆیی ڕاستەوخۆدا ڕوو لە خەڵکی ئێران دەکات و ڕایگەیاند، کاتێک ئێران دواجار ئازاد بوو، ئەو ساتە زۆر زووتر لەوەی خەڵک بیری لێدەکەنەوە دێت و هەموو شتێک جیاواز دەبێت. دوو وڵاتەکەمان ئیسرائیل و ئێران ئارام دەبن.
ئاماژەی بەوەشکرد، پێویستە خەڵکی ئێران بزانن کە ئیسرائیل لە تەنیشتتانەوە وەستاوە.