بەگوێرەی لیستێکی زانکۆی ستانفۆردی ئەمریکا، پڕۆفیسۆر رەحمەتوڵا خزری بیرمەندی کورد بۆ دووەم ساڵە لەسەریەک ناوی دەچێتە لیستی 2٪ی گەورەترین زانایانی جیهان.

بەگوێرەی لێکدانەوەی زانستی زانکۆی ستانفۆردی ئەمریکا، پڕۆفیسۆر رەحمەتوڵا خزری بیرمەندی کورد ساڵی 2023، وەک یەکێک لەو زانایانە هەڵبژێردرا و بۆ ئەمساڵیش ناوی لە لیستەکەدایە، زانکۆی ستانفۆردی ئەمریکا هەموو ساڵیک و بەپێی لێکدانەوەی زانستیی.

هاوکات، ناوی 2٪ی گەورەترین زانایانی جیهان لە 22 بەشی زانستی هەڵدەبژێرێت و بڵاویان دەکاتەوە کە زۆرترین کاریگەرییان لەسەر گەشە و بەرەوپێشچوونی زانست هەبووە و توێژینەوەکانیان وەک سەرچاوەی زانستی بەکاردەهێنرێن.

پڕۆفیسۆر، رەحمەتوڵا خزری بیرمەندی کورد، تەمەنی 35 ساڵە و خەڵکی شاری "شنۆی"ــە لە رۆژهەڵاتی کوردستان.