٢٠ ئەیلوولی ٢٠٢٤
وەزارەتی دەرەوەی ئەمریکا ڕایگەیاند، پێشنیاری خەڵاتی حەوت ملیۆن دۆلاری بۆ هەر کەسێک کە زانیاری لەسەر ئیبراهیم عەقیل بدات.
ئەمڕۆ هەینی 20-9-2024، سوپای ئیسرائیل لە ڕاگەیەندراوێکدا ڕایگەیاند، چەکدارانی هێزی ئاسمانی ناوچەی بەیرووتیان کردە ئامانج و ئیبراهیم عەقیل، بەرپرسی ئۆپەراسیۆنەکانی ڕێکخراوی تیرۆریستی حز*بوڵڵا، فەرماندەی ڕاستەقینەی یەکەی ڕزوان و فەرماندەی "پلانی فەتح ئەلجەلیل"كوشتووە.
لەلایەکی دیکەوە، پێشووتر وەزارەتی دەرەوەی ئەمریکا ڕایگەیاندبوو، خەڵاتی حەوت ملیۆن دۆلاری بۆ هەر کەسێک کە زانیاری لەسەر ئیبراهیم عەقیل بدات بەهۆی ئەوەی تۆمەتبارە بە ڕفاندنی بارمتە ئەمریکی و ئەڵمانییەکان لە لوبنان و دەستبەسەرکردنیان لەوێ لە ساڵانی هەشتاکانی سەدەی ڕابردوودا.
ئیبراهیم عەقیل کە بە “تەحسین” ناسراوە، دووەم فەرماندەی حز*بوڵڵایە، ئەندامی ئەنجومەنی باڵای سەربازیی حزبەکەیە، ئەنجومەنی جیهادییەکان و فەرماندەی هێزی تایبەتی ڕەزوانە و لەدوای کوژرانی فوئاد شکور فەرماندەی ئۆپەراسیۆنەکان بووە.