کونسوڵی ئەمریکا لە هەرێم رایگەیاند، داوا لە هاوڵاتیانی هەرێمی کوردستان دەکەن بەتەواوی بەشداری هەڵبژاردنی پەرلەمانی هەرێم بکەن لە 20ـی ئۆکتۆبەری ئەمساڵ و دەنگ بدەن.
ستیڤن بیتەر کونسوڵی ئەمریکا لە هەرێم لە لێدوانێکدا ڕایگەیاند، هەڵبژاردنی ئازاد و دادپەروەرانە بنچینەی دیموکراسیی گەشەسەندووە چونکە هاوڵاتیان دڵنیا دەکاتەوە لەوەی کە دەتوانن لەڕێگەی دەنگەکانیانەوە داهاتوویان بنیاد بنێن.
ئاماژەی بەوەش کرد، هانی هاوڵاتیانی هەرێم دەدەن کە بەتەواوی بەشداری ئەو پڕۆسە دیموکراسییە بکەن و دەنگ بدەن.
ئەمە لەکاتێکدایە، لە 20ـی مانگی 10ـی ئەمساڵدا، هەڵبژاردنی خولی شەشەمی پەرلەمانی کوردستان بەڕێوەدەچێت و کۆمەڵگەی نێودەوڵەتی بەتایبەت نەتەوە یەکگرتووەکانی ئەمریکا جەخت لە ئەنجامدانی دەکەنەوە و داوا لە هاوڵاتیانی کوردستانیش دەکەن بچن بۆ دەنگدان.