١٣ ئەیلوولی ٢٠٢٤
هاتووچۆی سلێمانی ڕایگەیاند، “چیتر پێویست ناکات بە وەرگرتنی کۆد لە ڕێگەی ماڵپەرەکەمانەوە بەڵکو ڕاستەوخۆ سەردانمان بکەن”.
ئەمڕۆ هەینی 13-9-2024، بەرێوەبەرایەتی ھاتوچۆی سلێمانی لە ڕاگەیەندراوێکدا ڕایگەیاند، لە رۆژی دوو شەممە رێکەوتی 16-9-2024 چیتر بۆ ھەر کارێکی پەیوەست بە بەشی مۆڵەتی شۆفێری لە بارەگای بەرێوەبەرایەتیمان پێویست بە وەرگرتنی کۆد ناکات لە ڕێگەی ماڵپەڕی هاتووچۆی سلێمانییەوە ،
ڕوونیشیکردەوە، واتا ھاوڵاتی دەتوانێت راستەوخۆ سەردانمان بکات بۆ رایی کردنی مامەڵەکەی بێ وەرگرتنی کۆد ، وەک نوێ کردنەوەی مۆڵەتی شۆفێری وھەرکارێکی دیکە لەبەشی مۆڵەتی شۆفێری ، تەنھا بەرلەوەی بێتە ژوورەوە، لای عەریزە نوسەکانی بەردەم بەرێوەبەرایەتیمان فۆرمی تایبەت بە مامەڵەی بەشی مۆڵەتی شۆفێری پڕ دەکاتەوە
جەختی لەوەشکردەوە، پێویستە سەرجەم بەڵگەنامە رەسەنەکانی ( أصلي ) پێبێت و راستەو خۆ دێتە ناو بەرێوەبەراتیمان بۆ تەواو کردنی مامەڵەکەی .