شارەوانی سلێمانی ڕایگەیاند، “شۆفێران ئاگاداردەکەینەوە لە سبەینێوە شەقامی سەرەکی هەواری شار لە بەردەم بەڕێوەبەرایەتی گشتی وەبەرهێنانی سلێمانی، بە ئاراستەی یەکتربڕی کۆبانێ بەربەست دەکرێت”.

ئەمشەو چوارشەممە 24-7-2024، سەرۆکایەتی شارەوانی سلێمانی لە ئاگادارییەکدا ڕایگەیاند: “ئاگاداری هاوڵاتیان و شۆفێرانی بەڕێز دەكاتەوە كە لە سبەینێ پێنجشەممە(25-7-2024)ەوە شەقامی سەرەکی هەواری شار لە بەردەم بەڕێوەبەرایەتی گشتی وەبەرهێنانی سلێمانی) بە ئاراستەی یەکتربڕی کۆبانێ بەربەست دەکرێت”.

باسی لەوەشکرد: “بە مەبەستی فراوان کردنی شەقامی سەرەکی هەواری شار و دروستکردنی دوو ئەندەرپاس، لە چوارچێوەی کارەکانی (پرۆژەی یەکتربڕی سەر شەقامی هەواری شار ناسراو بە یەكتربڕی والی) دا کە لە لایەن ( کۆمپانیای ڕۆژی نوێ) وە جێبەجێ دەکرێت”.

ئەوەشی خستەڕوو: “شۆفێران دەتوانن شەقامەکەی تەنیشتی وەک جێگرەوە بەکاربهێنن کە بۆ ئەو مەبەستە دروستکراوە”.