بەڕێوبەرایەتی گشتی خانەنشینی ڕایگەیاند، بۆ وەرگرتنی فۆڕمی دابەشکردنی زەوی لە ڕۆژی یەک شەممەوە سەردانی بەڕێوەبەرایەتییەکانی خانەنشینان بکەن لە سەرجەم شاروشارۆچکەکان.

ئەمڕۆ چوارشەممە 24-7-2024، بەڕێوبەرایەتی گشتی خانەنشینی وەزارەتی دارایی و ئابوریی حکومەتی کاربەڕێکەری هەرێم لە بڵاوکراوەیەکدا ڕایگەیاند، سەرجەم خانەنشینان دەتوانن لە ڕۆژی یەک شەممەی داهاتوو ڕێکەوتی 28-7-2024، سەردانی بەڕێوبەرایەتی خانەنشینی پەیوەندیدار لەشارو شارۆچکەکان بکەن بەمەبەستی وەرگرتنی فۆڕمی دابەشکردنی زەوی.

باسی لەوەشکرد، دابەشکردنی فۆڕمەکان تەنها بۆ ئەو خانەنشینانەیە کە لە ژیاندا ماون و پێشتر بەهیچ شێوەیەک سوودمەند نەبوون لە حکومەت لەڕووی وەرگرتنی زەوی.