٢٠ تەمموزی ٢٠٢٤
ئەمڕۆ شەممە یانەی نیوکاسڵ گرێبەستی لەگەڵ میودراگ پیڤاسی بەرگریکاری تەمەن 19 ساڵ لە یانەی گێدنستڤۆی سربی ئاشکراکرد.
ئەمڕۆ شەممە، میودراگ پیڤاسی ڕاگەیاندراوێکی بڵاوکردەوە و نوسیویەتی: "پەیوەندیکردن بە یانەیەکی گەورەی وەک نیوکاسڵەوە شتێکی باوەڕپێنەکراوە،زۆر بەپەلەم بۆ ئەوەی دەستپێبکەم و پڕۆژەی یانەکە ببینم، کە یارمەتیدەر بوو بۆ ئەوەی گرێبەست لەگەڵ یانەکە بکەم".
ئاماژەی بەوەشکرد: "دەبینم یاریزانە گەنجەکان زۆر باش گەشەیان کردووە، منیش حەز دەکەم هەمان شت بکەم، گەشە بکەم و لەگەڵ تیپی یەکەمی نیوکاسڵ یاری بکەم، زۆر بە پەرۆشم و ناتوانم زۆر چاوەڕێ بکەم بۆ ئەوەی دەستپێبکەم".
پیڤاس نوێنەرایەتی هەڵبژاردەی سربیای خوار تەمەن 17 ساڵانی کردووە، هەروەها لە وەرزی ڕابردوو وەک یاریزانێکی بەرگری لە یانەی گێدنستڤۆ یاریی دەکرد و تیپەکە سەرکەوت بۆ خولی نایابی سربیا.