بەهۆی شۆرتی کارەباوە لە قەزای مێرگەسۆری لە دەڤەری سۆران لە پارێزگای هەولێر مالێک ئاگریگرت، بەپێی ڕاپۆرتی تیمی شارستانی قەزاکە هیچ زیانێکی گیانی نەبووە.

بەڕێوەبەرایەتی بەرگری شارستانی سۆران لەمیانی ڕاگەیەندراوێکیدا نوسیویەتی: "ئەمڕۆ شەممە بەرواری (30/12/2023) ئاگادارکراینەوە کەوا ڕوداوێکی ئاگر کەوتنەوە هەیە لە ماڵێک لە گوندی خەلان/قەزای مێرگەسۆر".

نویسیوشیەتی: "دوای ئەوەی ئاگادارکراینەوە دوو تیمی ئاگرکوژێنەوە لە بنکەکانی بەرگری شارستانی مێرگەسۆر و مەزنێ دەرچوو بۆ شوێنی ڕوداوەکە و، توانیان ئاگرەکە بکوژێنەوە زیانەکانیش کەمتر بکەنەوە".

بەپێی ڕاپۆرتی تیمی ناوبراو، جیا لە زیانی مادی هیچ زیانێکی گیانی بە دواوە نەبووە.