بەڕێوەبەرایەتی ئاسایشی هەولێر ڕایگەیاند، هێزەکانیان تۆمەتبارێکیان دەستگیرکردووە کە بە ئۆتۆمبێل لە هاوڵاتییەکی دابوو، دواتر هەڵاتبوو.

بەڕێوەبەرایەتی ئاسایشی هەولێر ڕاگەیەندراوێکی لە پێگەی خۆی بڵاوکردەوە و تیایدا هاتووە: "تۆمەتبارێک بە ناوی (أ ، ع ، ن) بە فەرمانی بەڕێز دادوەری لێکۆڵینەوەی ئاسایشی هەولێر لەلایەن هێزەکانمانەوە دەستگیرکرا".

ئەوەش هاتووە: "بەهۆی ئەوەی لە ڕێکەوتی 30/08/2023 لەسەر شەقامی 100 مەتری بە ئۆتۆمبێلەکەی لە هاوڵاتییەکی دابوو بە ناوی (عەزیز ڕەمەزان خەلیل)، دەستبەجێ گیانیلەدەستدا و هەڵات".

بۆ بینینی ڤیدیۆکە کلیل لێرە بکە.