لە چوارچێوەی یاریەکانی گەڕی دووەمی خولی ئینگلیزی بۆ وەرزی 2023-2024، یانەی لیڤەرپوڵ توانی سێ خاڵی گرنگ بەدەستبهێنێت لەسەر حسابی یانەی بۆرنمۆس.

ئێوارەی ئەمڕۆ شەممە، لە گەڕی دووەمی خولی ئینگلیزی، یانەی لیڤەرپوڵ سەرکەوتنێکی بەنرخی لەسەر حیسابی بۆرنمۆس بە ئەنجامی (3-1) بەدەستهێنا.

گۆڵەکانی لیڤەرپوڵ لەلایەن لویس دیاز لە خولەکی 28 دا و محەمەد سەڵاح لە خولەکی 36 و دیۆگۆ گونا لە خولەکی 62دا تۆمارکران، تاکە گۆڵی بۆرنمۆسیش لە خولەکی سێیەمی تایمی یەکەمدا لە لایەن ئەنتوان سیمێنۆ تۆمارکرا.

یۆرگن کلۆپ لە خولەکی 85دا پشوی بە محەمەد سەڵاحدا و داروین نونێزی ئۆرۆگوای لە شوێنی ئەو یاریزانە هاتە یاریگاوە.

بەو ئەنجامە لیڤەرپوڵ کۆی خاڵەکانی گەیشتە چوار و یانەی بۆرنمۆس تەنیا خاوەنی خاڵێکە.