دەست بە دابەشکردنی موچەی مانگی 6 دەکرێت
٦ تەمموزی ٢٠٢٣
بڵاویبکەرەوە لە
سەرچاوەیەک لە وەزارەتی دارایی حکومەتی هەرێم ڕایگەیاند، وەزارەتی دارایی بانکەکانی ئاگادار کردووەتەوە بۆ ئامادەکردنی چەکی موچەی مانگی حوزەیرانی لیوا هاوبەشەکان و سەرەتای هەفتەی داهاتوش دەست بە دابەشکردنی موچەکانیان دەکرێت.
ئەمڕۆ پێنج شەممە 6ـی تەموزی 2023، سەرچاوەیەک لە وەزارەتی دارایی و ئابوریی حکومەتی هەرێمی کوردستان بە میدیاکانی ڕاگەیاند: "وەزارەتی دارایی بانکەکانی ئاگادار کردووەتەوە بۆ ئامادەکردنی چەکی موچەی مانگی حوزەیرانی لیوا هاوبەشەکان و ڕۆژی یەک شەممەی داهاتوو دەست بە دابەشکردنی موچە دەکرێت".
موچەی لیوا هاوبەشەکان لەلایەن هاوپەیمانانەوە دابیندەکرێت، لە دوای دابەشکردنی موچەی لیوا هاوبەشەکانیش، حکومەتی هەرێم دەست بە دابەشکردنی موچەی فەرمانبەران دەکات.