جارێکی دیکە ڕووداوی هاوشێوەی کەوتنەخوارەوە لە شاخ ڕوویداو و کەسێکی دیکەش گیانیلەدەستدا
١٩ نيسانی ٢٠٢٤
بڵاویبکەرەوە لە
بەڕێوەبەری پۆلیسی ناحیەی سەرسنگ ڕایگەیاند، هاوڵاتیەک لە شاخی بەرێ گارەی کەوتووەتە خوارەوە و گیانیلەدەستدا.
عەشقی محەمەد، بەڕێوەبەری پۆلیسی ناحیەی سەرسنگی سە بە پارێزگای دهۆک ڕایگەیاند، “کەسوکاری هاوڵاتییەکە پەیوەندییان پێوەکردین، کە لە بەیانییەوە رۆیشتووەتە شاخ و بێسەروشوێنە و وەڵامی پەیوەندییەکانی نەداوەتەوە. دوای لێگەڕان و بەدواداچوون پۆلیس بە هاوکاریی هاوڵاتیان، لە شاخی بەرێ گارەی دۆزرایەوە و گیانی لەدەستداوە”
ئاماژەی بەوەشکردووە، “ئێستا پۆلیسەکانمان تەرمەکە لە شاخەوە دێننە خوارەوە و رەوانەی پزیشکی دادی ئامێدی دەکەن”.
لەلایەکی دیکەوە ئەمڕۆ هەینی لە قەزای ماوەتی سەربە پارێزگای سلێمانی گەنجێک لە شاخ هەڵدێرا و گیانیلەدەستدا و لە ئەنجامدا ئەمڕۆ دوو ڕووداوی هاوشێوەی کەوتنەخوارەوە لە شاخ لە شوێنی جیا جیا ڕوویاندا.